ئاچ قورساق ھالەتتە تۆۋەندىكى ئىشلارنى قىلىشقا بولمايدۇ.

1. ئاچ قورساق ئۇخلاشقا بولمايدۇ. ئورۇقلاش ئۈچۈن ئاچ قورساقلا ئۇخلاپ قالىدىغانلار بار. ئەمەلىيەتتە بۇنداق قىلىش زىيانلىق، ئاسانلا قان قەنتىنىڭ زىيادە تۆۋەن بولۇشىنى كەلتۈرۈپ چىقىرىدىغان بولۇپ، بۇ يەنە باش قېيىش قاتارلىقلارغا سەۋەب بولىدۇ. ئاچ قورساق ئۇخلاشمۇ تەسكە چۈشىدۇ، ئۇيقۇنىڭ سۈپىتىگە تەسىر يېتىدىغان بولۇپ، ئىككىنچى كۈندىكى خىزمەت ۋە ئۆگىنىشكە تەسىر يەتكۈزىدۇ.

2. ئاچ قورساق ھالەتتە مۇھىم خىزمەت توغرىسىدا سۆزلىشىشكە بولمايدۇ. مۇھىم خىزمەت ۋە مەسىلىلەرنى ئاچ قورساق سۆزلىشىشكە بولمايدۇ، بۇ چاغدا نېرۋا سىستېمىسى بىر قەدەر سەگەك ھالەتتە بولغانلىقتىن، خىزمەتنىڭ ئۈنۈمى ۋە توغرىلىق دەرىجىسىگە تەسىر يېتىدۇ.

3. ئاچ قورساق ھالەتتە ماشىنا ھەيدەشكە بولمايدۇ. ماشىنا ھەيدىگەندە دىققىتىنى مەركەزلەشتۈرۈشى كېرەك، ئاچ قورساق ھالەتتە دىققەتنى مەركەزلەشتۈرگىلى بولمايلا قالماي، ئاسانلا خەتەر كېلىپ چىقىدۇ.

4. ئاچ قورساق ھالەتتە يۈگۈرۈشكە بولمايدۇ، بۇ چاغدا بەدەندىكى قەنت مىقدارى بىر قەدەر تۆۋەن بولغاچقا، ھوشىدىن كېتىش قاتارلىق ئەھۋاللار كۆرۈلىدۇ.

5. ئاچ قورساق ھالەتتە يۇيۇنۇشقا بولمايدۇ. بەزى كىشىلەرنىڭ سەھەر تۇرۇپ ئاچ قورساققا يۇيۇنۇشى خاتادۇر. ئاچ قورساق ھالەتتە ئىسسىق سۇدا يۇيۇنغاندا ئاسانلا نەپەسنىڭ قىيىنلىشىشىنى كەلتۈرۈپ چىقىرىپ، باش قېيىش ۋە ھەتتا ھوشىدىن كېتىش قاتارلىق ئالامەتلەرنى كۈلتۈرۈپ چىقىرىدۇ، تاماقنى يەپلا يۇيۇنۇشمۇ خاتا، ئەڭ ياخشىسى تاماقتىن بىر سائەت كېيىن يۇيۇنۇش كېرەك